ជំនួប Madrid Derby ជាការប៉ះគ្នារវាងក្លឹបក្រហមស Atletico Madrid ទល់ក្លឹបអធិរាជស Real Madrid នឹងចូលមកដល់នៅវេលាម៉ោង ០២:០០ នាទីទាបភ្លឺ ឈានចូលថ្ងៃចន្ទទី ១៩ កញ្ញា ជាប្រកួតជុំទី ៦ នៅក្របខ័ណ្ឌ La Liga។ នេះជាជួបគ្នារវាងក្លឹបឈរកំពូលតារាង ទល់ក្លឹបឈរលេខ ៧ ហើយក៏មានផ្សាយផ្ទាល់លើទំព័រ CTS SPORT។
យ៉ាងណាស្ថានភាពរបស់ក្លឹបដឹកនាំដោយលោក Carlo Ancelotti ក៏បង្ហើបជាមុន ជុំវិញវត្តមាន Karim Benzema ដែលថាភាគរយទាបណាស់ អាចមានកីឡាករបារាំងមកចូលរួម។ ខណៈពេលនេះ គេកំពុងហ្វឹកហាត់ដាច់ដោយឡែក ដើម្បីតាមដានស្ថានភាពរបួស តែប្រហែលមិនអាចត្រៀមលក្ខណៈទាន់ពេលវេលាឡើយ។
តាមការបញ្ជាក់ពីគ្រូសញ្ជាតិអ៊ីតាលី៖ “យើងនឹងបានឃើញថាគេអាចហ្វឹកហាត់ពេញលក្ខណៈឬអត់ ដោយយើងអត់ប្រថុយពេកនោះទេ បើគេអាចហ្វឹកហាត់បានល្អ នោះគេនឹងបានលេង តែបើអត់ទេ គឺនឹងពុំមានវត្តមានឡើយ”។
នេះប្រសិនអវត្តមាន Benzema ក៏ក្លឹបភ្ញៀវមិនជាបារម្ភពេកដែរ ដ្បិតអីពីរប្រកួតមុន ក៏មានកីឡាករដទៃមកបំពេញ ជាក់ស្តែងអាចប្រើ Rodryo Goes ឬ Eden Hazard នៅប្រយុទ្ធកណ្តាល ហើយដាក់ Federico Valverde នៅស្លាបស្តាំ និង Vinicius Jr នៅស្លាបឆ្វេង ក៏ឃើញប្រព័ន្ធនេះ ឲ្យផលគួរឲ្យចាប់អារម្មណ៍។ ការប៉ះគ្នាលើកចុងក្រោយនៅចុងរដូវកាលមុន ខាង AT យកឈ្នះ ១-០ ទៅលើ Real ចុះសម្រាប់រដូវកាលថ្មីនេះវិញ?
ប្រភព៖ BeSoccer