លោក Emilio Butragueno ថ្នាក់ដឹកនាំក្រុម Real Madrid បានបញ្ជាក់ថាមិនមានអ្វីប្រែប្រួលសម្រាប់តំណែងរបស់លោក Julen Lopetegui ឡើយ ពោលគឺលោកនៅតែបន្ដដឹកនាំក្រុមដដែល។
Julen រងសម្ពាធខ្លាំង ក្រោយពីដឹកនាំក្រុមមិនបានល្អមួយរយៈចុងក្រោយនេះ។ វាបានធ្វើឱ្យតំណែងរបស់លោក ហាក់មិនទាន់ស្រួលនៅឡើយទេ ដោយមានប្រភពជាច្រើនបានចុះផ្សាយថាប្រសិនបើនៅតែដូច្នេះទៀត នោះក្លឹបនឹងសម្រេចបណ្ដេញអតីតគ្រូបង្វឹកជម្រើសជាតិអេស្ប៉ាញម្នាក់នេះចេញហើយ។
ចំពោះរឿងខាងលើនេះ លោក Emilio Butragueno ថ្នាក់ដឹកនាំក្រុម Real Madrid បាននិយាយម្សិលមិញថា៖ “តើ Julen នឹងនៅតែដឹកនាំក្រុមពេលប៉ះ Barcelona ឬ? បាទ គាត់នឹងបន្ដដឹកនាំក្រុមទៀត គ្មានអ្វីប្រែប្រួលឡើយ។ យើងនឹងនៅតែរក្សាភាពស្ងៀមស្ងាត់
និងធ្វើការជាក្រុមដដែល”។ ត្បិតតែមានមតិជាច្រើនមិនគាំទ្រលោក Julen មែន ប៉ុន្តែសម្រាប់កីឡាករនៅក្នុងក្រុមផ្ទាល់ គ្រប់គ្នាសុទ្ធតែចង់ឱ្យអ្នកចាត់ការរូបនេះបន្ដដឹកនាំ មិនចង់បានអ្នកចាត់ការថ្មីឡើយ៕ប្រភពDailyMail
