Koke បាននិយាយជាសាធារណៈតែម្ដងថាមិនឱ្យកីឡាករ Vinicius អបអរដោយការរាំនោះទេ ហើយប្រសិនណាមានករណីនេះកើតឡើងពេលលេងទល់ខ្លួន នឹងមានបញ្ហាធំមិនខាន។
ខ្សែបម្រើ Koke របស់ក្រុម Atletico Madrid បាននិយាយថាខ្សែប្រយុទ្ធ Vinicius នឹងមានបញ្ហាជាមួយខ្លួនមិនខាន ប្រសិនបើគេស៊ុតចូល ហើយអបអរដោយការរាំនៅកីឡដ្ឋានរបស់ក្រុម AT Madrid ។ ការនិយាយបែបនេះកំពុងក្លាយជាប្រធានបទក្ដៅគគុកនៅអេស្ប៉ាញ ត្បិតអីវាបានបង្ហាញពីការរើសអើងទៅហើយ។ មានកីឡាករជាច្រើននាក់បានចេញមុខមកគាំទ្រ និងនិយាយថាការអបអរជារឿងផ្ទាល់របស់កីឡាករ ហើយក៏មិនត្រូវរើសអើសផងដែរ។
ក្នុងនោះខាងក្លReal Madrid វិញក៏ចេញលិខិតផ្លូវការមួយការពារកីឡាករ Vinicius ផងដែរ។ ដោយពួកគេសរសេរថា Real Madrid C. F. ប្រឆាំងរាល់ការបង្ហាញ និងអាកប្បកិរិយារើសអើងជាតិសាសន៍នៅក្នុងកីឡាបាល់ទាត់ និងជាពិសេសរឿងដែលបានកើតឡើងចំពោះ Vinicius កាលពីថ្មីៗនេះ។ Real Madrid កំពុងរៀបចំបណ្តឹងតាមផ្លូវច្បាប់ចាត់វិធានការចំពោះជនណាដែលបញ្ចេញមតិរើសអើងជាតិសាសន៍មកលើកីឡាករ៕