លោក Christophe Galtier កំពុងពិចារណាដកម្នាក់ក្នុងចំណោមខ្សែប្រយុទ្ធកំពូលទាំង៣ Lionel Messi, Neymar និង Kylian Mbappe មិនលេងជុំគ្នាទៀតនោះទេ។
លោក Galtier មើលឃើញថាស្ថានភាពក្រុម PSG នាពេលបច្ចុប្បន្ននេះនៅខ្សោយតំបន់ការពារខ្លាំង ដូច្នេះហើយលោកចង់ដកកីឡាករម្នាក់នៅតំបន់ប្រយុទ្ធ ដើម្បីដាក់ការពារឬបម្រើការពារវិញ។ ប្រសិនបើធ្វើបែបនោះមែន នោះ Lionel Messi, Neymar និង Kylian Mbappe នឹងមានម្នាក់ត្រូវអង្គុយកៅអីបម្រុងហើយ មិនអាចលេងបានជុំទាំង៣នាក់នោះទេ។
រំលឹកថាក្រុម PSG មានគោលដៅធំតែមួយគត់ គឺពួកគេចង់ឈ្នះពានរង្វាន់ UEFA Champions League ឱ្យបាន។ ដោយការលេងក្នុងពានរង្វាន់មួយនេះ ក្រុមត្រូវមានប្រព័ន្ធការពាររឹងមាំ ព្រោះគូប្រកួតសុទ្ធតែមានកីឡាករប្រយុទ្ធល្អៗច្រើន។ ដូច្នេះហើយទើបលោក Galtier ចង់ឱ្យក្រុម PSG មានប្រព័ន្ធការពារល្អជាងបច្ចុប្បន្ននេះ៕