លោក Pep Guardiola បាននិយាយថាលោកមិនខឹងឬបន្ទោសទៅលើខ្សែប្រយុទ្ធ Jack Grealish ឡើយ បើទោះជាគេមិនទាន់បានបង្ហាញទម្រង់លេងល្អយ៉ាងណាក៏ដោយ។
Grealish ជាកីឡាករអង់គ្លេសដែលមានតម្លៃខ្លូនខ្ពស់បំផុតដល់១០០លានផោន បន្ទាប់ពីគេផ្ទេរពីក្រុម Aton Villa មកលេងនៅក្រុម Manchester City។ តែយ៉ាងណា ការមកដល់ទឹកដី Etihad បាន១រដូវកាលមកនេះ គេមិនទាន់ឃើញកីឡាករអង់គ្លេសរូបនេះលេងបានល្អ ឬបង្ហាញអ្វីគួរឱ្យកត់សម្គាល់នៅឡើយទេ។ ខណៈដែលជម្រើសដំបូងវិញក៏មិនបានជាប់រហូតផងដែរ។ មានអ្នកគាំទ្រមួយចំនួនចាប់ផ្ដើមដាក់ការសង្ស័យនិងបន្ទោសទៅលើ Jack Grealish ទៅហើយ។
តែទោះជាយ៉ាងនេះក្ដី លោក Pep បាននិយាយថា៖ “ខ្ញុំស្គាល់គាត់ ហើយខ្ញុំពិតជារីករាយជាមួយអ្វីដែលគាត់កំពុងធ្វើ។ នៅពេលនេះ វានៅចាំតែពេលវេលាដែលគាត់អាចត្រលប់មកលេងបានល្អវិញប៉ុណ្ណោះ។ គាត់នឹងបង្ហាញគ្រប់គ្នាថាសុទ្ធតែគិតខុសចំពោះគាត់នៅពេលអនាគត”៕