ខ្សែបម្រើស្លាបរបស់បិសាចក្រហមបានរកគ្រាប់បាល់បើកឆាក ខណៈដែលក្រុមរបស់ Erik ten Hag បានយកឈ្នះលើក្រុម Sheriff Tiraspol ក្នុងលទ្ធផល ២-០ ក្នុងការប្រកួត Europa League នៅកីឡដ្ឋាន Zimbru ក្នុងទីក្រុង Chisinau ប្រទេសម៉ុលដូវ៉ា ដោយកីឡាករ Cristiano Ronaldo បានស៊ុតបាល់បញ្ចូលទីគ្រាប់ទីពីរ ដោយការស៊ុតបាល់ប៉េណាល់ទី។
ហើយ Sancho បានបង្ហាញពីប្រវត្តិដ៏កក់ក្តៅចំពោះមូលហេតុដែលគាត់បានដោះបន្ទះទ្រនាប់ស្មងជើងម្ខាង ហើយកាន់លើកវាឡើងបង្ហាញទៅអ្នកគាំទ្រ បន្ទាប់ពីការស៊ុតបញ្ចូលទីរបស់គាត់។
គាត់បាននិយាយថា៖ “បាទ ក្មេងតូចម្នាក់បានឲ្យអាវទ្រនាប់ស្មងជើងនេះមកខ្ញុំ ហើយសុំឲ្យខ្ញុំពាក់វាពេលប្រកួត។ ខ្ញុំបាននិយាយថា “បាទ គ្មានបញ្ហាទេ” ហើយនេះជាកាយវិការតូចមួយពីខ្ញុំ នៅពេលខ្ញុំស៊ុតបញ្ចូលទី ដែលបង្ហាញថាខ្ញុំបានពាក់ទ្រនាប់ដែលគាត់បានផ្តល់ឱ្យខ្ញុំនេះពិតមែន។”
កីឡាករវ័យ ២២ ឆ្នាំបានបន្ថែមថា “វាពិតជាសំខាន់ណាស់ដែលយើងទទួលបានជ័យជម្នះនៅថ្ងៃនេះ។ ជាក់ស្តែងការប្រកួតក្នុងផ្ទះចុងក្រោយរបស់យើងទល់នឹង Real Sociedad គឺជាការខកចិត្តមួយ ហើយការចូលមកក្នុងការប្រកួតនេះ យើងដឹងថាយើងត្រូវតែទទួលបានបីពិន្ទុនៅថ្ងៃនេះ”៕
ប្រភព៖ Daily Mail