ស្ថិតក្នុង Group A2 មានក្រុមជម្រើសជាតិអេស្ប៉ាញ ព័រទុយហ្គាល់ សាធារណរដ្ឋឆេក និងស្វីស នឹងត្រូវសម្រេចយកតែមួយក្រុមឡើងទៅកាន់វគ្គ ៤ ក្រុមចុងក្រោយ នៃពានរង្វាន់ UEFA Nations League ត្រឹមចុងខែកញ្ញា។ ក្រុមដឹកនាំដោយលោក Fernando Santos កំណត់ត្រូវប៉ះឆេក និងអេស្ប៉ាញ នាថ្ងៃទី ២៥ និង ២៨ វេលាម៉ោង ០១:៤៥ នាទីទាបភ្លឺ មានផ្សាយផ្ទាល់លើទំព័រ CTS SPORT។
គិតត្រឹមពេលនេះ ព័រទុយហ្គាល់នៅចាញ់អេស្ប៉ាញ ១ ពិន្ទុគត់ ដូច្នេះការឈ្នះនៅជុំខាងមុខ គឺជារឿងចាំបាច់ ហើយបើហ៊ានតែរបូតពិន្ទុ នោះក្រុមដឹកនាំដោយលោក Luis Enrique នឹងក្លាយជាក្រុមទទួលបានកៅអីប្រចាំ Group A2 ឡើងទៅកាន់វគ្គ ៤ ក្រុមចុងក្រោយ។
ងាកទៅបញ្ជីកីឡាករក្រុមព័រទុយហ្គាល់ ក៏បានបញ្ចេញមកហើយ ដោយសង្កេតឃើញអវត្តមានកីឡាករគួរឲ្យចាប់អារម្មណ៍ដូចជា David Carmo, Renato Sanches, Otavio, Pedro Goncalves, Goncalo Guedes និង Andre Silva។
បញ្ជីឈ្មោះកីឡាករព័រទុយហ្គាល់៖ Diogo Costa, Jose Sa, Rui Patricio; Danilo Pereira, Diogo Dalot, Joao Cancelo, Tiago Djalo, Pepe, Ruben Dias, Nuno Mendes, Raphael Guerreiro; Joao Palhinha, Ruben Neves, Bernardo Silva, Bruno Fernandes, Joao Mario, Matheus Nunes, Vitinha, William Carvalho; Cristiano Ronaldo, Diogo Jota, Pedro Neto, Joao Felix, Rafa Silva, Ricardo Horta, Rafael Leao៕
ប្រភព៖ Sportsmole