Erling Haaland កំពុងរីករាយនឹងការឈរជើងឲ្យក្លឹបថ្មីមេឃខៀវ Manchester City ហើយនៅចំណុចចាប់ផ្តើមដំបូង គេបានបង្ហាញផ្លែផ្កាខុសស្រឡះពីអ្វីដែលអ្នកគាំទ្រមួយចំនួនបានរិះគន់ទុកជាមុន។ គិតមកទល់ពេលនេះ ឈរជើង ៩ ប្រកួត កីឡាករន័រវេស រកបាន ១៣ គ្រាប់និង Assist ១ លើកហើយ។
អត្រារកគ្រាប់បាល់ គឺមានដល់ ១,៨៦ គ្រាប់/ប្រកួត ពោលរាប់ជាកីឡាករមានអត្រារកគ្រាប់បាល់ខ្ពស់បំផុតហើយប្រចាំលីគកំពូលទាំង ៥ តំបន់អឺរ៉ុប។ ស្ថិតិដ៏ល្អនេះ បើយុវជនខាងលើអាចបន្តរហូតដល់ចប់រដូវកាល ហើយជួនពេលពេលវេលារបស់គេលើទីលាន អាចលេងគ្រប់ការប្រកួត គ្រប់នាទីទាំងអស់ មិនថាតែនៅ Premier League និង Champions League ជាដើម នោះអាចកើនដល់គ្រាប់បាល់ទី ១១៣ នៅរដូវកាលទោលក៏ថាបាន។
វាជាការព្យាករណ៍ដ៏ខ្ពស់មួយ ហើយក៏មិនធ្លាប់មានកីឡាកររូបណាធ្វើបានពីមុនមកដែរ។ ជាងនេះការលេងនៅ Premier League ទល់ក្លឹបកំពូលជាច្រើន ដូច្នេះបើគ្រាប់ពេជ្រវ័យ ២២ ឆ្នាំ អាចធ្វើបាន នោះគឺជារឿងអស្ចារ្យបំផុតហើយក្នុងប្រវត្តិសាស្ត្របាល់ទាត់។
គួរបញ្ជាក់ថា អតីតកាលធ្លាប់មាន Lionel Messi ជាអ្នករកគ្រាប់បាល់ច្រើនបំផុតប្រចាំឆ្នាំទោល គឺ ២០១២ ដែលមាន ៩១ គ្រាប់នៅការលេងឲ្យក្លឹប Barcelona និងជម្រើសជាតិអាហ្សង់ទីន ចារកំណត់ត្រាថ្មី លោកអ្នកគ្រងចាស់ Gerd Muller ធ្វើបាន ៩៥ គ្រាប់ ឆ្នាំ ១៩៧២។ អ៊ីចឹងចាំមើល ខ្សែប្រយុទ្ធន័រវេស អាចសាងកេរឈ្មោះនៅកំណត់ត្រាថ្មីដែរឬយ៉ាងណា?
ប្រភព៖ Sportsmole