លោក Erek ten Hag បាននិយាយថាខ្សែប្រយុទ្ធ Cristiano Ronaldo នឹងរកគ្រាប់បាល់បានច្រើនបន្ថែមទៀតមិនខាននារដូវកាលនេះ នៅពេលគេមានកម្លាំងពេញចិត្តឡើងវិញ។
Ronaldo រកបានគ្រាប់បាល់ដំបូងនៅរដូវកាលនេះហើយនាយប់មិញ ក្រោយពីរកបាន១គ្រាប់ទល់ក្រុម Sheriff នាពានរង្វាន់ UEFA Europa League ។ យ៉ាងណាមិញនេះ ជាគ្រាប់បាល់ទី៦៩៩របស់គេផងដែរក្នុងអាជីពបើគិតចាប់តាំងពីចាប់ផ្ដើមមក។ ការត្រលប់មករកផ្លូវរកបានគ្រាប់បាល់វិញនេះដែរ ត្រូវបានលោក Erik ten Hag សប្បាយចិត្ត និងជឿជាក់ថានៅពេលខាងមុខគេនឹងបន្ដរកបានជាច្រើនទៀតមិនខាន។
Ten Hag បាននិយាយថា៖ “គាត់នឹងរកគ្រាប់បាល់ទៀត គាត់ពិតជាជិតត្រលប់ទៅរកភាពខ្លាំងរបស់ខ្លួនគាត់វិញហើយ នៅពេលដែលគាត់ Fit ពេញលេញ។ គាត់នឹងជួយក្រុមបានច្រើននៅតំបន់ប្រយុទ្ធ គាត់ពិតជាខិតខំខ្លាំងមែនទែន”៕