• Scholes ៖ Man Utd ​ប៉ះ Juventus ​លេង​ដូច ​កូន​ក្មេង​ជាមួយ​មនុស្ស​ចាស់

    Paul Scholes ​អតីត​កីឡាករ Man Utd ​មាន​អារម្មណ៍​ខ្មាស​អៀន​ក្នុង​នាម​ជា​អ្នក​ស្រលាញ់ Man Utd ​ម្នាក់ ​នៅ​ពេល​ឃើញ​ក្រុម​មួយ​នេះ​លេង​ដូច​កូន​ក្មេង ​ទៅ​ដណ្ដើម​បាល់​ជាមួយ​មនុស្ស​ចាស់​បែប​នេះ។

    Man Utd ​បរាជ័យ​ក្រោម​ថ្វី​ជើង Juventus ​ក្នុង​លទ្ធផល ០-១ ​ក្នុង​ការ​ប្រកួត​សន្សំ​ពិន្ទុ ​ពាន​រង្វាន់ UEFA Champions League ​។ ​ក្នុង​ការ​ប្រកួត ​លេង​ក្នុង​ផ្ទះ Man Utd ​មែន ប៉ុន្តែ​ក្រុម​មួយ​នេះ​ហាក់​ដូចជា​ចាញ់​ប្រៀប​ក្រុម​ភ្ញៀវ​ខ្លាំង​មែនទែន ​និង​ពិបាក​ក្នុង​ការ​ទៅ​លេង​នៅ​មុខ​ទី​របស់ Juventus ​ខ្លាំង​ណាស់។

    មើល​ឃើញ​ដូច្នេះ​ហើយ ​លោក Scholes ​ដែល​ជា​វីរបុរស​ម្នាក់​របស់​ក្រុម​បិសាច​ក្រហម ​បាន​និយាយ​ដូច្នេះ​ថា​៖ “ខ្ញុំ​ខ្មាសអៀន ​នៅ​ពេល​ឃើញ Man Utd ​លេង​ដូច្នេះ។ Juventus ​បាន​គ្រប់​គ្រង​ការ​ប្រកួត​ទាំង​អស់ ​ខ្ញុំ​សូម​សរសើរ​ពួកគេ​ដែល​លេង​បាន​ល្អ ​ពេល​លេង​ក្រៅ​ដូច​ប៉ះ​ក្រុម​ខ្លាំង។ តែ​ជាក់​ស្ដែង Man Utd ​មិនមែន​ជា​ក្រុម​ខ្លាំង​ដូច​មុន​ទេ។ វា​ដូច​ជា​ការ​ប្រកួត​មនុស្ស​ចាស់ ប៉ះ​កូន​ក្មេង​អីចឹង”៕ប្រភពDailyMail

     

    ភ្ជាប់ទំនាក់ទំនងជាមួយ CTS SPORT