កីឡាករ Roger Federer ដែលជាស្ដេចក្រាញ់ក្នុងប្រភេទកីឡាវាយកូនបាល់អន្ដរជាតិនោះ បានប្រកាសពីការចូលនិវត្ដន៍ទៅហើយកាលពីយប់មិញនេះ។
ម្ចាស់ជើងឯក Grand Slam ២០ សម័យកាលខាងលើបានចំណាយពេលក្នុងអាជីពវាយកូនបាល់នេះរយៈពេល២៤ឆ្នាំមកហើយ និងបានលេងមិនតិចជាង១៥០០ប្រកួតនោះទេ។ ការចូលនិវត្តន៍នេះដែរ ត្រូវបានកីឡាករវ័យ៤១ឆ្នាំអះអាងថាដោយសារវ័យជ្រេទៅហើយ និងបញ្ហារបួសកើតមានឡើងមកលើខ្លួនញឹកញាប់ណាស់នៅប៉ុន្មានឆ្នាំចុងក្រោយនេះ។ ដូច្នេះហើយ នេះជាពេលល្មមសម្រាប់ចូលនិវត្តន៍ហើយ។
Federer ឈរនៅចំណាត់ថ្នាក់លេខ៣ក្នុងចំណោមអ្នកឈ្នះពានរង្វាន់ច្រើនជាងគេ ដោយគេទទួលបាន Grand Slam ២០ សម្រាប់អ្នកលេខ២ Djokovic ឈ្នះបាន២១ពាន និង Nadal ឈ្នះបាន២២ពាន៕