ខ្សែប្រយុទ្ធ Gareth Bale ដែលកំពុងលេងឱ្យក្រុម Los Angeles FC ចាប់ផ្ដើមមានបញ្ហាមិនសូវបានលេងដូចកាលលេងនៅ Real Madrid ដែរហើយ។
បន្ទាប់ពីចំណាយពេល៩ឆ្នាំនៅ Real Madrid ខ្សែប្រយុទ្ធ Bale បានសម្រេចចិត្តផ្លាស់ទៅលេងនៅក្រុម Los Angeles FC នៅលីគអាមេរិកកាលពីពេលថ្មីៗនេះ។ យ៉ាងណាមិញ ទៅដល់ភ្លាមប្រកួតដំបូងៗឃើញថារូបគេជោគជ័យច្រើនបានលេងនិងរកគ្រាប់បាល់បានជួយក្រុម។ តែក្រោយមកទៀត ការលេងចាប់ផ្ដើមថយចុះ រហូតដល់ពេលនេះក្នុងមួយប្រកួត លេងមិនបានដល់៣០នាទីផង ពោលគឺផ្លាស់ប្ដូរបន្ដិចៗប៉ុណ្ណោះ។
យ៉ាងណាមិញ វត្ដមានរបស់ Bale ក៏បានជួយដល់ក្រុម LA FC រកចំណូលបានច្រើនផងដែរ។ ជាក់ស្ដែង Bale បានក្លាយជាកីឡាករដែលក្លឹបលក់អាវបានច្រើនជាងគេ ពោលគឺច្រើនជាង Vela និង Javier Hernandez ផង៕