លោក Carlo Ancelotti បាននិយាយថាសុខចិត្តបោះ licence គ្រូបង្វឹករបស់ខ្លួនចោល ប្រសិនបើខ្សែបម្រើ Valverde រកមិនបាន១០គ្រាប់ទេនារដូវកាលនេះ។
ខ្សែបម្រើអ៊ុយរុយហ្គាយខាងលើនេះរកបាន៣គ្រាប់ និងបញ្ជូនបាល់ឱ្យមិត្តរួមក្រុមបាន២គ្រាប់ហើយក្នុងការលេង៨ប្រកួតនាដើមរដូវកាលនេះឱ្យក្រុម Real Madrid។ ខណៈដែលគ្រាប់បាល់ដែលគេរកបានទៀតសោត សុទ្ធតែមានបច្ចេកទេសខ្ពស់ ញាក់ខ្សែការពារដាច់ផឹងៗតែម្ដង។ ដោយសារតែឃើញបែបនេះហើយ ទើបលោក Ancelotti បានចាត់ទុកគេជាខ្សែបម្រើឆ្នើមនិងមិនអាចខ្វះបានទេសម្រាប់ក្រុមអធិរាជសនារដូវកាលនេះ។
អ្នកចាត់ការសញ្ជាតិអ៊ីតាលីបានបន្ថែមទៀតថា៖ “វាចម្លែកសម្រាប់ខ្ញុំដែលរដូវកាលមុនគាត់រកបានតែមួយគ្រាប់។ ខ្ញុំបានប្រាប់គាត់ ថាប្រសិនបើគាត់មិនអាចរកបានលើស១០គ្រាប់ទេនារដូវកាលនេះ ខ្ញុំនឹងបោះlicence របស់ខ្ញុំចោល។ គាត់បានប្រឹងប្រែងលេងតាំងពីពេលនោះមក”៕