លោក Pep Guardiola អ្នកចាត់ការក្រុម Manchester City បានអះអាងថាលោកមានក្ដីស្រមៃជាយូរមកហើយក្នុងការដឹកនាំក្រុមនៅអង់គ្លេសនេះ។
Pep ល្បីឈ្មោះខ្លាំងពេលដឹកនាំក្រុម FC Barcelona ឈ្នះពានរង្វាន់ជាច្រើន។ បន្ទាប់មកលោក បានទៅបន្ដអាជីពនៅក្រុម Bayern Munich ទៀត មុនពេលសម្រេចចិត្តមកអង់គ្លេស ដឹកនាំក្រុម Man City។ អាជីពដឹកនាំក្រុមរបស់លោក តែងតែជោគជ័យជានិច្ច ពោលគឺជួយក្រុមឈ្នះពានរង្វាន់លីគកំពូលក្នុងប្រទេសនោះ។
ការមកដឹកនាំក្រុមនៅអង់គ្លេសនេះ ត្រូវបានលោក Pep បញ្ជាក់ថាជាក្ដីស្រមៃរបស់លោកតាំងពីយូរមកហើយ។ Premier League ជាលីគប្រកួតប្រជែង ដែលអ្នកចាត់ការភាគច្រើនចូលចិត្តមកដឹកនាំក្រុមនៅទីនេះ។ គ្រប់ការប្រកួតសុទ្ធតែអាចនិយាយបានថាជាការប្រកួតពិបាកនឹងដឹងលទ្ធផលមុនទាំងអស់៕ប្រភព Marca