Fred ខ្សែបម្រើកំពុងឡើងជើងរបស់ក្រុមបិសាចក្រហម Manchester United បានអះអាងថារដូវកាលនេះ ក្រុមរបស់ខ្លួននឹងប្រយុទ្ធដល់ទីបញ្ចប់តែម្ដងក្នុងការប្រជែងពានរង្វាន់ Premier League ។
ក្រុមបិសាចក្រហម Man Utd នឹងត្រូវតតាំងជាមួយក្រុម Arsenal នៅរាត្រីនេះ សម្រាប់ការប្រកួតពានរង្វាន់ English Premier League ។ សម្រាប់ការប្រកួតនេះដែរ Fred បានហៅថាជាប្រកួតសំខាន់ខ្លាំងណាស់ ព្រោះក្រុមត្រូវការឈ្នះដាច់ខាតដើម្បីបន្ដប្រជែងតំណែងកំពូលតារាងជាមួយក្រុម Manchester City ក្រោយពីចាញ់ដល់ទៅ៤ពិន្ទុទៅហើយ។
កីឡាករសញ្ជាតិប្រេស៊ីលខាងលើនេះ បាននិយាយទៀតថារដូវកាលនេះរូបគេមានភាពជឿជាក់លើសមត្ថភាពសមាជិកក្រុមទាំងអស់ថានឹងធ្វើបានល្អ។ Man Utd នឹងប្រយុទ្ធដល់ទីបញ្ចប់ដើម្បីស្វែងរកឱកាសលើកពាន បើទោះជាស្ថិតក្នុងកាលៈទេសៈណាក៏ដោយ៕
ប្រភព៖ DailyMail